想食經典的中菜，
所以就揀咗呢間
剛搬往上址的傳統老店——生記飯店。
幸好之前有預訂座位，
即使今天是星期二，
已經沒有Walk in，全店滿座。
實而不華的裝修，
舊式酒樓的味道，
是完全想像不到，
這是連續10年米芝蓮的推介食店。
蒜香九肚魚做前菜，
好似大排檔的椒鹽九肚魚，
新鮮炸完即上枱，外脆內軟，熱辣辣
有軟骨但好安全，不會哽喉。
第二道菜名為即燒BB豬
因為點了例牌份量，所以只得6片，
真係少食多滋味，
豬味濃郁，外皮脆，少油脂，沒有油膩感，
只是每人得一片，少了一點。
跟住上枱嘅就係紅燒妙齡乳鴿
叫得乳鴿就一定係小鴿，
仲要妙齡，就知道佢有幾嫩滑。
冇試佢嘅例湯，反而叫咗個韭黃瑤柱魚肚羹。
用料足，冇味精，加少許胡椒粉，十足滋味。
之後有原個砂煲上既砵酒焗蟮球，
大大嚿啖啖肉，又冇骨，
有薑蔥炒過，送飯一流。
跟住黎一碟小食，懷舊蝦多士。
熱辣辣脆卜卜，完全零油膩感，
大蝦彈牙，同麵包簡直係絕配。
最後，再來多一碟家傳手藝生煎蓮藕餅。
食落去，好有細過媽媽親手烹調嘅感覺，
一塊係大到可以送返一碗白飯。
要多碟清清地既山根炆豆腐。
已經肚飽飽，熱情嘅夥計，
仲要喺埋單後送上一碟白糖糕，
將整個懷舊香港dinner昇華到頂點。
嚟緊同屋企人食飯，又多一個選擇啦！
