香港永年車仔麵茶冰廳

上年來試過一次鐵板套餐好豐富 今次再同家人來懷緬下港式扒房🥰餐廳裝修充滿懷舊扒房茶餐廳既味道幾有心思 比較多卡位座位闊落坐得舒服💈今次見到出左慢煮鐵板2人套餐😍好豐富3個人都夠食性價比幾高👍🏻

2

🔸🔹慢煮鐵板2人套餐包括：沙律/餐湯➕主菜➕小食➕飲品（各項自選✖️2）🔹🔸

✨SRF 和牛肉眼芯
鐵板熱辣辣上枱♨️店員幫忙淋上醬汁好有儀式感🤭要了五成熟的和牛肉眼芯 肉質好軟腍重肉味 厚切所以口感好好😍配埋永年招牌辣椒汁 不會太辣好濃郁🌶淋上炸麵一樣好夾好惹味 麵炸得好脆夠乾身😙亦可以轉白飯或意粉

SRF 和牛肉眼芯

✨美國安格斯封門柳
10oz份量好足好大塊😄封門柳要了七成熟 肉質依然好嫩滑牛味濃郁 帶有嫩筋位幾有口感👍🏻選了洋蔥汁🧅經典的港式洋蔥汁味道香濃好滋味

美國安格斯封門柳

✨沙律
🔸牛油果薯仔蝦沙律
面頭有蝦同牛油果🦐薯仔蛋沙律配上沙律醬酸酸甜甜 夠開胃好食🥔

牛油果薯仔蝦沙律

🔹雞扒鹹魚凱撒沙律
雞扒煎得好脆皮仲有柔軟的麵包粒 鹹魚味道食落比較像炸過的煙肉😆整體味道幾特別不算重口味

雞扒鹹魚凱撒沙律

✨小食
🔸秘製瑞士雞翼
一份三隻雞翼 肉嫩好入味 醬香味濃郁 而且咸甜味適中🍗

秘製瑞士雞翼

🔹黑芝麻西多士伴雲呢拿雪糕
雪糕西多之前來食過一次好鍾意💕西多士炸得香脆🍞黑芝麻醬香濃不會過於甜膩 表面放上雲呢拿雪糕 香香甜甜好滿足🍦比較適合分享

黑芝麻西多士伴雲呢拿雪糕

黑芝麻西多士伴雲呢拿雪糕

✨牛三寶
單點了一份牛三寶 一大碗有牛柏葉牛肚牛筋😬小食來說份量好多性價比高🥘牛腩汁湯底好香濃炆得好入味 最鍾意牛肚口感夠煙韌腍身

牛三寶

✨飲品
要了熱奶茶跟熱檸茶☕️正常水準都不錯☺️亦有其他特飲好像抹茶紅豆冰 紅豆奶茶冰都幾特別下次會試下

香港永年車仔麵茶冰廳 (沙田)
📍沙田沙田正街18號新城市廣場L1樓113號舖