老馮茶居 (大棠路)

营业中

休息中

行過見到入面充滿60，70年代情懷已經好想入去試！今日同阿媽終於去試下！星期六嘅朝早唔算多人！見有卡位即刻坐低！叫左燒賣、蝦腸、牛柏葉、金錢肚、鮮蝦腐皮卷同埋鳳爪！樣樣野都係即叫即整！到台時嚇親因為都裝到幾滿一d都唔呃秤！呢樣好抵讚！食物味道方面比預期好！燒賣冇咩肥肉夠熱同入面舊蝦好脆！牛柏葉、鳳爪同金錢肚好淋好好咬！同時味好夠但又唔會好咸！鮮蝦腐皮卷好脆蝦又夠大粒！唯一麻麻地係蝦腸！佢d豉油浸味超怪！下次唔會再點腸粉！但其他確實唔錯！最正係佢地有凍飲叫！我地就叫左凍檸茶！比茶餐廳差dd但可以接受！有時唔鍾意飲茶某程度因為冇凍飲飲係酒樓！so far感覺唔錯！店入面又充滿舊日情懷！我同阿媽仲指住牆上嘅家具訴說返細個時嘅片段！食物好固然重要！但有時回憶更勝美酒佳餚！