永豪麵家

营业中

休息中

係灣仔番工之後多左好多機會食番啲地道食物，今次黎駱克道呢間「永豪麵家」。原來已經經營多年，由細舖搬大舖。老闆娘好熱情介紹呢啲嘅食物，所以我今次單人匹馬都食左一個麵加兩個小食。京都炸醬麵（$38）個醬帶辣微甜，個麵就係港人回憶竹昇麵，爽口嘅口感，加上配個湯去增加濕潤。薑蔥灼牛肉（$60細）牛肉用白灼嘅放法煮，口感好軟身，加上簡單薑蔥同豉油調味，帶出牛肉本身嘅味道。炸雲吞（$38）雲吞皮薄脆，全部雲吞都係餐廳自己包，有鮮蝦係入面，粒粒彈牙。點啲呢度嘅秘製醬汁更美味。凍奶茶（$21）最後飲番一杯茶濃奶滑嘅凍奶茶。