萬芳冰室 (已結業)

今日同男朋友行完山，落到屯門見到萬芳冰室，記得曾經某報章報道過，二話不說拖住男朋友入去試下先，內裡既裝潢風味十足，淡藍色既主調，舊式水磨石地板，最重要既係有扁平式既卡位雅坐，小時候既記憶一下子返哂黎。炸脾煎蛋飯男朋友行完山好肚餓兼且訛稱大把配額，所以點左呢個炸脾煎蛋飯，熱辣辣並且十分脆口，一啖咬落去d肉汁係咁流哂出黎，裡面既肉質仲保持得十分嫩滑，勁正呀！蕃薯糖水我自己點左一個糖水滋潤一下，呢個蕃薯糖水好夠薑，辣度十足，糖水甜度恰到好處，蕃薯亦都十分之甜，無被糖水既甜度蓋過，大讚！