樓下冰室 (已結業)

有好多次都想食呢一間有懷舊feel 嘅樓下冰室，但每次總是見到冰室外企滿等檯的人(可能係假期特別多人) ，今日咁好彩見到唔使等即刻有位，即興入去食晚餐。冰室的裝修都好有格調，紅色的椅背非常奪目；看見餐牌上寫著"不含味精"四個字，感覺食得安心。餐牌上的食物價錢很大眾化，跟食物再叫的飲品是半價的；我們兩個人點了蕃茄濃湯通粉配鮮牛肉，瑞士雞翼，瑞士雞脾配沙律蒜蓉包，芝士焗西蘭花，懷舊紅豆冰和椰汁綠豆冰。蕃茄濃湯通粉熱辣辣的好夠味，都幾大碗，我哋係兩個人share食都夠；一份瑞士雞翼有3隻，雞翼都幾大隻同埋好入味；瑞士雞脾配沙律和蒜蓉包的份量也不少，足可以當一個餐吃，我覺得雞脾太大隻，食到好"漏", 蒜蓉包好脆好香口；芝士焗西蘭花亦非常好食，熱溶了的芝士加上粟米粒配西蘭花一起吃，一定唔會唔好食。飲品方面，紅豆冰的甜度適中，紅豆夠淋；椰汁綠豆冰有點像東南亞飲品，清暑清熱。我覺得這一餐不貴但豐富，最喜歡係食物上檯時很夠熱，食到最後一件時還是熱的啊。