更多
2018-09-02
596 浏览
几经辛苦，终于去完西藏，仲要无高山症，当然要热烈地弹琴热烈地唱，嚟鮨文又食omakase！茶碗蒸一打开个盖，入面充满自家制三文鱼籽，每粒都晶莹剔透非常饱满，同外面𠮶啲完全冇得比，系清甜带柚子香㗎！至于个蛋真系好滑溜，带少少咸香嘅茶碗蒸真系无得顶！刺身5款1. 平静鱼切咗丝嘅平静鱼，加入芝麻、葱花及姜蓉，入口先食到芝麻味，但千祈唔好放弃，要继续咬，啲鱼味先会出㗎，记住唔好咬几吓即刻吞呀！2. 天妇罗帆立贝帆立贝炸到半熟，上几次食都系开边后酿入海胆，但今次转做微辣嘅明太子，再加上一片紫苏叶，外面再包紫菜，外层好薄，一咬开入面一丝丝嘅帆立贝肉显现易见，口感好之余呢个配搭又好新鲜3. 樱煮八爪鱼之前几次喺元朗店都未试过，原来系黄埔店限定！要花上3日去烹调，第一日同八爪鱼做massage后用低温煮；第二日先用明火慢煮，期间每10分钟检查一次check吓个烟韧度；第三日先加入自家制酱油浸一晚，慢煮出嚟嘅八爪鱼肉身依然系粉红色，就好以樱花咁，所以佢就叫樱花喇。不嬲怕咬唔开而唔钟意食八爪鱼嘅我，完全系被震慑住！软绵程度非笔墨可形容，简直一咬即开，仲非常入味，又带少少八爪鱼鲜味！系非常花心机嘅一款菜色！
茶碗蒸
一打开个盖，入面充满自家制三文鱼籽，每粒都晶莹剔透非常饱满，同外面𠮶啲完全冇得比，系清甜带柚子香㗎！至于个蛋真系好滑溜，带少少咸香嘅茶碗蒸真系无得顶！
茶碗蒸
9 浏览
1 赞好
0 留言
茶碗蒸
19 浏览
0 赞好
0 留言
刺身5款
1. 平静鱼
切咗丝嘅平静鱼，加入芝麻、葱花及姜蓉，入口先食到芝麻味，但千祈唔好放弃，要继续咬，啲鱼味先会出㗎，记住唔好咬几吓即刻吞呀！
平静鱼
13 浏览
0 赞好
0 留言
2. 天妇罗帆立贝
帆立贝炸到半熟，上几次食都系开边后酿入海胆，但今次转做微辣嘅明太子，再加上一片紫苏叶，外面再包紫菜，外层好薄，一咬开入面一丝丝嘅帆立贝肉显现易见，口感好之余呢个配搭又好新鲜
天妇罗帆立贝
3 浏览
0 赞好
0 留言
天妇罗帆立贝
6 浏览
0 赞好
0 留言
3. 樱煮八爪鱼
之前几次喺元朗店都未试过，原来系黄埔店限定！要花上3日去烹调，第一日同八爪鱼做massage后用低温煮；第二日先用明火慢煮，期间每10分钟检查一次check吓个烟韧度；第三日先加入自家制酱油浸一晚，慢煮出嚟嘅八爪鱼肉身依然系粉红色，就好以樱花咁，所以佢就叫樱花喇。不嬲怕咬唔开而唔钟意食八爪鱼嘅我，完全系被震慑住！软绵程度非笔墨可形容，简直一咬即开，仲非常入味，又带少少八爪鱼鲜味！系非常花心机嘅一款菜色！
樱煮八爪鱼
15 浏览
0 赞好
0 留言
樱煮八爪鱼
17 浏览
0 赞好
0 留言
4. 酒蒸鲍鱼
用清酒及慢火，慢慢煮用来自九州嘅鲍鱼，足足7个钟！入口烟韧弹牙，点少少用鲍鱼肝制成嘅酱，鲜味更加浓郁；最后将大厨俾嘅小饭团捞埋啲酱食，鲜味大爆发，完全忘记咗自己系食紧鲍鱼肝！
酒蒸鲍鱼
13 浏览
0 赞好
0 留言
酒蒸鲍鱼
22 浏览
0 赞好
0 留言
5. 花咲蟹
估唔到今晚有机会试只限夏季捕捞嘅北海道四大名蟹之一，大厨用一块大昆布包住只蟹蒸45分钟，拆开昆布𠮶吓真系觉得好震撼，估唔到咁矜贵嘅蟹都唔系特别靓，成身布满棘刺！之后再拆肉，加返啲蟹膏，蟹肉渗出鲜甜汁，蟹膏软绵绵，回味无穷
花咲蟹
15 浏览
0 赞好
0 留言
花咲蟹
41 浏览
0 赞好
0 留言
花咲蟹
18 浏览
0 赞好
0 留言
寿司8款
1. 真鲷
颜色较浅，味道清淡，肉质结实，加上柠檬酱油，同样地记住咬多几啖，否则只会食到柠檬味而失去鱼味
真鲷
15 浏览
0 赞好
0 留言
2. 幼𫚕
系我最爱嘅BB𫚕鱼，油脂够多！寿司饭入面加咗安冈葱，带葱香好特别
幼𫚕
17 浏览
0 赞好
0 留言
3. 目一鲷
卖相好有趣嘅寿司，共有两层，下层系一大片加咗岩盐嘅刺身，上层系一小片烧过嘅鱼背，鱼油必晒出嚟，好有油香，下层吸收晒上层嘅鱼油，食起上嚟非常特别
目一鲷
32 浏览
0 赞好
0 留言
目一鲷
20 浏览
0 赞好
0 留言
4. 石垣贝
食食吓突然见到只贝伸出壳外，好似打招呼咁！之后大厨就将佢切开，上碟前仲拍一吓等佢收缩。真系从来未食过咁新鲜仲郁紧嘅贝，虽然放入口𠮶吓有啲唔敢食，但𠮶种海水鲜味真系前所未有，口感极度爽口，真系一食会上瘾！
石垣贝
17 浏览
0 赞好
0 留言
石垣贝
15 浏览
0 赞好
0 留言
5. 真鲭
喺闪闪吓好明亮嘅鱼皮上放咗一片好薄嘅醋渍白昆布，不过白昆布薄到食咗都唔觉！
真鲭
5 浏览
0 赞好
0 留言
6. 喉黑鱼
被称为关西鱼王及白身鱼Toro，网烧后啲鱼油及鲜味出晒嚟，肉质肥美嫩滑，仲有少少炭烧味
喉黑鱼
59 浏览
0 赞好
0 留言
7. 子持虾蛄
日文名听都未听过，但叫佢濑尿虾，就即刻哦一声！原来有分虾公及虾乸，今日我哋食虾乸，超多膏！！！！
子持虾蛄
28 浏览
0 赞好
0 留言
8. 大拖罗
一向食大拖罗都觉得成口油，但今次试吓网烧，上面加咗连蒜豉油嘅日本葱茸，反而去除咗𠮶种油腻感，入口即溶，仲有我最爱嘅蒜香，又几特别㖞！
大拖罗
16 浏览
0 赞好
0 留言
云丹盛
即系呢度最著名嘅海胆杯，大到不得了，上面仲有一只鲜甜大牡丹虾，海胆非常creamy甘香
云丹盛
16 浏览
0 赞好
0 留言
手卷
话咁快就食到最尾了，轻轻烧过嘅右口鱼边再加上一堆拖罗，哈哈哈！一食啲鱼油由紫菜渗出，正正正！
右口鱼边
5 浏览
0 赞好
0 留言
手卷
12 浏览
0 赞好
0 留言
鱼汤
奶白色，一饮就忍唔住将全晚食过嘅鱼再回味多一次！
鱼汤
8 浏览
0 赞好
0 留言
静冈提子
系餐厅直接喺日本订返嚟，香港冇得买嘅巨峰Mix黑提，食落好得意，巨峰味较淡，但又比黑提大粒好多
静冈提子
21 浏览
0 赞好
0 留言
嚟呢度食omakase作为庆祝活动，真系冇拣错
张贴
