新南苑私房菜 (已結業)

一入到見到好多Figure，啱晒鍾意睇Marvel既朋友仔，仲有蝙蝠俠既朋友仔，仲有好多部大電視，可以比鍾意睇波嘅球迷睇吓英超，另外，仲設有一啲房間可以一大班人唱K。揀咗個海鮮餐，有三款煲選擇，招牌麻辣雞煲同麻辣鴨血，毛血旺可以食完再添加，金湯酸菜魚就只可食一次。呢個餐送本地手切牛頸脊，有時令海鮮拼盤（每位有五款）有鮑魚、蠔、海蝦、帶子、青口。佐酒小食，有木耳、麻辣雞腳、合桃。冰鎮鮑魚每位一隻。時令刺身拼盤一份。食完可以揀湯底再打邊爐，有多達30幾款火鍋配料任食，自製冷泡茶、樽裝可樂、紙包飲品、罐裝飲品任君選擇。除咗夜晚套餐抵食，午市同宵夜都係百幾蚊，好抵食，價錢先經濟實惠。夜晚開到凌晨兩點㗎！