粗店燒烤 (已結業)

舖頭裝修係好傳統嘅串燒店，木系色調。一入去嘅感覺係環境光猛，地方乾淨，座位間嘅距離都唔會太近～佢都係用QR code落單，串燒嘅選擇唔算好多，都係一般有嘅食材～比較特別嘅係有炸饅頭食😛，啲煉奶好香。啲香腸都切開晒，非常有心機值得一讚嘅地方係，嘢食唔使等太耐，而且放上碟都係keep住保溫（有一個小蠟燭持續加熱！），咁樣食串燒先至最爽！可以慢慢傾偈，慢慢食！而且咁樣影相都好靚😝嗰碟上面預設有七味粉同埋孜然粉，兩者都係食串燒不可或缺嘅調味料！加上熱食，啲串燒個味道都好唔錯！座位頭頂仲有紙巾提供，幾貼心。