C.O.W. Dining (已結業)

當速食文化越黎越流行，慢慢注重健康既一群人開始提倡慢煮文化，精確控制溫度及時間，保留到食物味道營養。聽就聽到多，真正一餐完整slow cook都係第一次食。Five courses meal 有齊前菜、湯、pasta、主菜同甜品。一坐低先食個餐前小食，水牛芝士加上蔬菜配搭新鮮。前菜就係Cold Cut Platter 配慢煮蘋果&沙律，凍肉組合味道中等，唔淡唔太濃，尤其parma ham好香！配上口感特別既慢煮蘋果都幾得意。餐湯揀左蕃茄清湯，冇估到蕃茄煲出黎可以咁清澈，睇得出大廚下左一番功夫呢！雖然較清淡，但蕃茄味道都好出，作為餐前開胃不錯。Pasta部份有自家製墨魚汁雲吞配帶子海鮮，雲吞皮加入墨魚汁令味道同賣相相當特別，肉餡都好好味。最期待既主菜係慢煮美國牛肋條配法式紅酒汁，牛肋條牛味非常濃，加上本身軟腍既質感，即使經過慢煮八小時風味依然！食到最後已經飽得很，咁滿足既一餐就由tiramisu同檸菜一杯作結吧。