Slowlife 漫活堂 (已結業)

今日好想揾間餐廳 chill 吓，行咗好多間都唔啱心水，啱嘅佢又早收😑，由尖沙咀行都佐敦終於揾到呢間，畀佢嘅名“Slowlife 慢活堂”吸引咗入去。睇咗一輪餐牌，叫咗個煙三文魚蛋沙律熱狗，份量好足係爆餡熱狗，仲有菜沙律做 side dish，麵包烘過脆脆哋幾好食，略嫌三文魚無乜煙燻味，雞蛋大粒咗啲，味道淡淡哋啱晒我。坐咗一排，叫埋個 Dutch baby pancake (apple)，原來好大份吓，2個人 share 就啱啱好，今日一個人食就飽咗啲😅，蘋果酸酸甜甜，pancake 熱辣辣加埋個雪糕，整體唔會太甜，幾好！  最後講到服務啦:1. 我由5點幾坐到8點幾，差不多坐咗三個鐘，就算係晚飯時間都無人趕我走😂2. 我要求幫壺水果茶加水， waiter 提我加咗水就無味，我話唔緊要，我想飲熱啲嘅茶，佢就即刻幫我加熱水，其實加咗水都仲有啲味嘅。🤭3. 上 pancake 時又提我個 pan 好熱，千祈唔好碰到，仲叫我慢慢食，嗰陣我已經坐咗起碼1.5鐘㗎啦，佢都好顧及我嘅感受🤣成餐下午茶兼晚餐用一壺水果茶連貫，而且只係用咗$156，淨坐都抵返晒啦🤫，加上環境好舒服、食物唔錯，服務又好。