鍋処雪舟 (已結業)

锅処雪舟系一间中档日本餐厅，虽然前排疫情好左啲，但我地都唔敢去行山或者离岛，放假宁愿留返喺市区食下野仲安全，好耐之前黎锅処雪舟食过lunch唔错，今次我地又再黎。餐厅好阔落，座位唔会太迫，食得安心。Lunch Set由最平$188至最贵$428，丰俭由人，套餐包括茶碗蒸、沙律、味噌汤、甜品同餐茶。沙律虽然好简单只有沙律菜，但醋汁足够所以食落酸酸地好开胃。味付螺肉好有咬口。茶碗蒸热辣辣又够滑，里面有冬菇同日本鱼旦。香葱油甘鱼丼($248) - 天气又晒又热，所以想食返个鱼生饭。油甘鱼鱼油甘香得黎唔会太漏，饭量亦够多，食完一定够饱。味噌汤明显调较返香港人口味，唔会太咸。冻柠茶 - 最后饮返杯冻柠茶帮助消化。水信玄饼 - 甜品系水信玄饼，食时捞埋花生粉同糖浆食， 甜甜地味道唔错。总结，食物虽然冇太大惊喜，但胜在坐得舒服，环境亦够静，好啱同朋友慢慢边食边倾。