影片
更多
2020-01-15
31 浏览
今日收工同朋友去九龍城搵野食，因為知道九龍城不嬲都多好野食。以前間唔時會入下黎食泰國野或者糖水之類，今次我地就揀左一間日本野去食～店裡面既裝修都幾靚，全部都係木枱木櫈，感覺都幾似日本既居酒屋。而且佢係用開放式廚房，一路都聞到廚師煮野食既香味。點完菜無耐就上左前菜八爪魚。然後上左串燒牛舌，呢間既牛舌雖然有啲貴，但係三塊都好厚切，而且都好彈牙，好好食！跟住係豬腸蘿蔔關東煮，豬腸唔會有膻味，蘿蔔煮得好林好入味。不過同我想像中既唔同，普通關東煮應該係昆布出汁做底，但佢呢個似係味噌湯做底，變左似係撈飯食既一個小菜。然後就上左主食安格斯肉眼牛排，黑松露焗野菌，同蟹肉薯餅。食得出牛排質素唔錯，肉質軟嫩，牛味都重。不過我覺得佢個醬汁既味道實在太搶，因為甜甜地，而且份量太多，會蓋左少少牛肉既香味。建議店家可以醬汁分開上，咁客人就可以自己控制要幾多汁啦！黑松露焗野菌一上就聞到好香黑松露味，而且份量都唔少，有翻啲蔬菜健康啲哈哈。蟹肉薯餅又係同我想像中既完全唔同，佢入面唔係薯餅或者薯蓉咁，佢係完全流心架！入面好似忌廉咁既質地，好特別，不過唔算好有蟹肉味。蟹羔玉子燒都幾鬆軟，而且味道唔錯。佢本身調味唔算太甜，入
店裡面既裝修都幾靚，全部都係木枱木櫈，感覺都幾似日本既居酒屋。而且佢係用開放式廚房，一路都聞到廚師煮野食既香味。
點完菜無耐就上左前菜八爪魚。
然後上左串燒牛舌，呢間既牛舌雖然有啲貴，但係三塊都好厚切，而且都好彈牙，好好食！
跟住係豬腸蘿蔔關東煮，豬腸唔會有膻味，蘿蔔煮得好林好入味。不過同我想像中既唔同，普通關東煮應該係昆布出汁做底，但佢呢個似係味噌湯做底，變左似係撈飯食既一個小菜。
然後就上左主食安格斯肉眼牛排，黑松露焗野菌，同蟹肉薯餅。
食得出牛排質素唔錯，肉質軟嫩，牛味都重。不過我覺得佢個醬汁既味道實在太搶，因為甜甜地，而且份量太多，會蓋左少少牛肉既香味。建議店家可以醬汁分開上，咁客人就可以自己控制要幾多汁啦！
黑松露焗野菌一上就聞到好香黑松露味，而且份量都唔少，有翻啲蔬菜健康啲哈哈。
蟹肉薯餅又係同我想像中既完全唔同，佢入面唔係薯餅或者薯蓉咁，佢係完全流心架！入面好似忌廉咁既質地，好特別，不過唔算好有蟹肉味。
蟹羔玉子燒都幾鬆軟，而且味道唔錯。佢本身調味唔算太甜，入面仲包左蟹羔，呢款反而蟹羔既味幾出。
最後黎既就係等左勁耐既喜之次，因為係原條燒既關係，所以真係等左勁耐。首先佢魚皮燒得好香，但係又完全唔燶，未至於成塊都係脆，內層仲有啲軟，我個人認為咁樣既魚皮先係最好食，少少脆口但又唔會太熱氣，仲可以食到少少軟既位。魚肉都幾紮實，加上魚肉本身既香味都幾出，又唔會有腥味。不過調味稍為不足，建議可以另外上一樽岩鹽比客，或者燒個陣重手多啲啲就可以～但佢條魚本身都好食，所以我覺得調味稍為不足其實都唔大影響。
其實本身仲想試一試佢個自家製咖啡牛奶酒，思考左好耐，最後因為實在太飽既關係放棄左。下次有機會要試試先得！
张贴
