平成二十二日本料理 (已結業)

放題原來真係會食上癮，尖沙咀的一夜有考慮過到加威的極尚大喜屋，最後都book左山林道的平成22，要不是訂了這放題，都未行過入呢條又長又密的食街，對於山林道，只記得早前路口M記結業的大新聞店內環境都幾舒服，唔會有焗促的感覺，深長的舖面其實坐到唔少人，眼見兩節時間都全場爆滿，交場時間門口企滿人真誇張，但整條山林道明明路人不多。點菜紙八張，每張紙的選擇又唔算好多，看來是貴精不貴多，而且慢工出細貨，從對答知道老闆就是壽司吧內的大師傅，點了幾款刺身，蝦又大又鮮甜，三文魚紋理平均又有光澤，最出色係帶子刺身，厚而有彈性，最怕食到雪未溶晒的帶子雪芭燒雞翼超有誠意，開邊攤開來燒，薄脆香口惹味，雖然咁做可能會犧牲了雞肉不夠嫩，但整體可以encore再encore。燒豬腸一客兩件剛好，肥膩之物適可宜止，燒羊架蘇味一般，肉質彈牙，放題有呢d重量級肉食真好，往往係港式西餐叫幾件搭少少沙律已經百幾蚊。魷魚如果有刀叉會比較易分開，咬開就要用d力，索性一啖過，主要是調味做得香口。出菜比較慢，但食物尚算有質素，會有再來的機會