Dates (已結業)

11月11日(星期日)...由於之前有個朋友介紹話呢間食鵝肝好食...所以約埋我女友一齊慕名而來試下...起初都覺得呢間鋪頭唔錯...裝修得幾靚...坐落去感覺都幾舒服...而且叫左幾款菜都ok...鵝肝都幾好...但好可惜既係...遇到不禮貌對待...就算有幾好食...裝修有幾得...但比人激到消化唔到...再有幾好都冇用...我只不過點菜既時候問多幾句..服務員已經擺出一幅好唔耐煩既樣子...我起初以為佢多野做...點知佢見到我地想點菜...行都唔行埋黎...當睇我地唔到...搞到我成個傻佬咁...埋單既時候...我用信用咭比錢(因為有優惠,我朋友同我講)...怎料...又話要一早出示先有優惠...咁我第一次黎...我又點會知你貴公司既規矩呢...而且你地係唔係應該一早同我講你地有d咁既優惠呢如果有誠意既話...最後為左果一百幾十既爭辯搞到樣都衰埋...我係黎食野...唔係求氣lo...