前幾日夜晚去咗同fd食飯，入去見仲有好多空位，當時差唔多8點到，開頭都算正常。去到未到8:45嘅時候就聽到喺廚房位（鋪頭好細，開放式廚房係正身後）有一個高瘦男人同一個女職員講：「你問下佢哋幾時走啦！」個女人：「我唔敢啊」個男嘅又話：「叫佢哋走啦！」然後個女職員就走過嚟同我哋講佢哋就嚟要收鋪啦。個男人講嘢時完全冇降低音量，絕對喺特登要比我哋聽到。
當時除咗我哋呢枱仲有另一枱人，佢哋喺度傾緊計都被趕，我哋唯有拿拿臨食埋甜品走人。首先果陣離關店仲有起碼15-20分鐘，有冇必要咁急趕我哋走？我哋嘢都未食完☺️其次個男職員咁嘅態度完全係趕客，就算想客人走都唔係咁喺正我哋後面大聲喝人走。
就係臨走嘅時候，仲聽到兩位職員喺度互相大聲爆粗（X你XX）之類，一個喺門口嗌，一個喺店入面對住門口嗌，完全唔理客仲喺鋪入面。
最後走嘅時候，仲見到叫我哋走嗰個男人喺門口食煙，原來佢趕住煲煙要趕客～老闆真係要好好多謝你啲mk員工😉！呢間嘢絕對唔會再去第二次😌
以上食记乃用户个人意见 , 并不代表OpenRice之观点。
2
用餐途径
堂食
人均消费
$160 (晚餐)
