村爺爺車仔麵 (已搬遷) 新店位置

車仔麵可以算係香港飲食文化特色之一。 呢間位於旺角嘅車仔麵都做到街知巷聞，無他嘅 當然係出品好食，湯底又夠創新，而且仲回饋社會造善事，每次經過都想試一試。下午茶時間呢見到肚餓，當然你試下啦！原來照四個餸仲會送嘢飲添！龍蝦湯粗麵龍蝦湯顏色呈深啡色，味道濃郁，好有龍蝦湯。粗麵雖普普通通，但都唔錯。不過最特別喺湯底同餸係分開上嘅，咁就唔會搞亂咗湯底嘅味道，都幾有心思喎！牛栢葉 $10雖然可以普通嘅牛栢葉，但係味道都幾好，有口感！牛丸 $8牛丸就細粒咗少少。牛筋 $9牛筋就比較突出，爽口彈牙，但又唔會太難咬，而且味道濃郁燒賣 $8因為細個送會送飲品，所以是但叫咗燒賣。 估唔到嘅喺呢個燒賣會油炸幾秒，令到外脆 內裏有煙靭，呢種做法都幾特別！道地烏龍茶味道就唔多講喇，不過純粹解一吓油膩感。雖然車仔麵舖都好似7-11咁樣，總有一間係左近，但細心有心思嘅車仔麵，就唔喺到到都有。