影片
更多
2014-04-24
538 浏览
一向去开荃湾果間嘅，自從冇咗之后就停咗一排冇食，咁又想試吓新呢間就揀咗星期六嚟，又竟然唔洗等位喎，我哋七点半前去到，門口有个侍應派緊傳單，原來食滿$115送一客指定壽司，后來得知係一位$115，兩位要$230，咁都覺冇咩所謂嘅!既然有得送時就梗係問清楚係咪有啦，初頭叫個普通待應埋嚟數碟睇吓夠未（其實已經自行數過係夠數喇)順便落單，点知話未夠數所以做唔到，原來佢冇數清楚枱面d碟，只係計咗order果d囉，咁你既然有得迴轉就知d客會攞野食架啦？！數得咁求其？轉頭又叫唔同衫嘅男侍應（一睇知係經理)埋嚟搞清楚，佢話“等我認真d數呀“，呢句聽落真係令人好順氣嘅！但事實係另一回事囉，佢返埋嚟又係果句未夠數喎！真係好奇怪！点解我數極都係夠呢？唔通真係自己搞錯？為咗一碟野喺度數完又數，你唔煩我都煩啦？唔想送咪唔好送囉！又要限呢樣果樣！最后選擇放棄啦……到送天婦羅上嚟時又唔知佢做乜會整跌咗一隻蝦落地，要等佢補返，遲遲未有又係要追果隻！最后埋單證實真係佢哋數錯碟，我梗係揾返个經理啦，佢同收銀拆掂佢決定收返數錯个數，咁我都順d！其實食物方面真係ok，多咗特色壽司，餐牌冇变，係熟食果d整細咗，冇荃湾果時咁大囉
其實食物方面真係ok，多咗特色壽司，餐牌冇变，係熟食果d整細咗，冇荃湾果時咁大囉，質素都keep 到嘅！如果唔係今次事件影响，我唔會扣佢分啦！
题外话/补充资料：
晚上8:30后有八折，七点半前較快有位，八点就一定要等……
(以上食记乃用户个人意见 , 并不代表OpenRice之观点。)
张贴