Notte (已結業)

同事今日帶咗我去銅鑼灣宇宙大廈食午餐，餐廳可以望到維港對岸嘅海景及灣仔會展，淨係個景已經令我對餐廳嘅分數真㗎。我哋叫咗兩個lunch set，餐廳嘅所有食物都係即叫即煮，上碟時熱辣辣。粟米帶子蘆筍湯：呢個粟米帶子蘆筍湯味道香甜大有濃濃嘅粟米味！帶子煎過後才放入湯內，味道香之餘亦能食到鮮甜的味道。黑松露雜菌意粉：餐廳好貼心，朋友唔食黑松露所以我哋特登叫佢無需落黑松露，雜菌意粉醬汁好creamy同事唔唔覺得膩。豬胺：廚師火候和烹調嘅時間掌握得很好，豬熟成到剛剛好，嫩滑之餘肉汁也很豐富，脂肪比例也很好，不會感覺到有油膩感，但能食到油香。最後我哋加咗$38叫左一個甜品，今日嘅甜品係朱古力蛋糕，朱古力味道香濃唔會過甜我哋都非常滿意。整體嘅食物你都感受到廚師嘅用心，值得光顧。