星林居雲南米線餐廳

在尖沙咀上堂，去左就近既米線舖試試。

佢既 ORDER FORM 值得一讚，好多 Columns... 可以減低左落錯單既情況。佢既米線亦都好彈牙，熱辣辣，唔錯。

湯底要左少少辣同普通酸。少少辣真係比唔辣刺激一點而已.. 但對於小妹來說是剛剛好。不過，個湯底真係太鹹... 太濃味了。以往我會用 spoon 盛起米線，然後夾埋少少湯一起放入口的... 但呢度真係唔敢。即使我就咁夾起米線黎食，都已經咸到想死。個湯底雖然都幾惹味，但小妹真係受唔到咁咸。

餸菜要左蘿蔔和冬菇.. 其實兩種配料都夠清甜的，但好可惜... 個湯底太濃味，搞到佢地都變得好鹹。

兩樣料 $30, 加飲品 $6.. 大大碗米線 $36 埋單，算唔錯。不過... 請問可否加多一行.. 少少鹹呢？