意粉屋 (已結業)

獅子信用卡優惠套餐 $398。突然發覺其實獅子卡食飯真係幾多著數。🦁特色龍蝦湯。撈到兩粒小龍蝦肉，同埋幾舊粉團，應該係個湯係用粉開㗎，但又開得唔匀咁樣...意大利風乾火腿•蘇格蘭煙三文魚伴意大利黑醋沙律。有露荀正，但火腿硬過鐵~710克星級醬燒原條豬仔骨•脆薯條•意大利蕃茄黑醋沙律。豬仔骨肉嫩入味，薯條脆卜卜食唔停！香草忌廉烤大蘑菇嫩雞闊條麵。蘑菇雖然外表醜醜，但內裡juicy。雞肉就麻麻地，無味又硬。印象中<意粉屋>㗎意粉幾好味，但係咪我太耐無黎，所以有啲事情已經變左？正如香港亦唔再係舊時果個香港