影片
更多
2017-01-01
6927 浏览
真係孤陋寡聞，以前一直以為社企餐廳都係cafe，只會提供輕食，原來上環都有一間社企餐廳，仲要係日本菜~ Team Head請客，同事想食日本菜，附近可選擇既又唔多，所以提議去呢間試下。原來午市都幾爆，我地6個人當然一早訂左檯啦，裝修一D都唔似社企餐廳，唔講其實唔知係社企餐廳，而且午市定食都唔平，仲以為係貴價日本餐廳。隊長一瞄個menu，見到有銀雪魚西京燒，二話不說就決定食佢 ! 銀雪魚有2個份量揀，不過驚太"漏" (銀雪魚很油呢)，所以叫左個小份量(140g)，所有定食會包一個沙律、漬物、茶碗蒸、味噌湯、主菜、白飯同甜品，食晒都幾飽，沙律菜就普通啦，不過加左幾粒蘆薈又幾好味；至於個茶碗蒸，賣相就麻麻地，蒸無筆走D泡，唔似高檔日本餐廳喎，不過裡面都幾多料，唔係淨係得冬菇同日本魚旦，仲會有大塊雞肉；主菜銀雪魚，香就唔算好香，不過佢都燒得唔錯，甜麵豉唔係勁甜果種，亦都唔駛加個沙律醬調味，魚既油份都夠，魚肉滑，輕輕一夾就可以分開魚肉，唔錯~天氣凍，個個坐低都縮沙唔食刺食，改食熱野，其他同事叫左安格斯牛扒、饅魚 、吉列黑豚、鯖魚同埋牛肝菌飯，偷食左佢地幾啖，吉列黑豚都幾好，一D都唔油，而且肉質都
原來午市都幾爆，我地6個人當然一早訂左檯啦，裝修一D都唔似社企餐廳，唔講其實唔知係社企餐廳，而且午市定食都唔平，仲以為係貴價日本餐廳。隊長一瞄個menu，見到有銀雪魚西京燒，二話不說就決定食佢 ! 銀雪魚有2個份量揀，不過驚太"漏" (銀雪魚很油呢)，所以叫左個小份量(140g)，所有定食會包一個沙律、漬物、茶碗蒸、味噌湯、主菜、白飯同甜品，食晒都幾飽，沙律菜就普通啦，不過加左幾粒蘆薈又幾好味；至於個茶碗蒸，賣相就麻麻地，蒸無筆走D泡，唔似高檔日本餐廳喎，不過裡面都幾多料，唔係淨係得冬菇同日本魚旦，仲會有大塊雞肉；主菜銀雪魚，香就唔算好香，不過佢都燒得唔錯，甜麵豉唔係勁甜果種，亦都唔駛加個沙律醬調味，魚既油份都夠，魚肉滑，輕輕一夾就可以分開魚肉，唔錯~
天氣凍，個個坐低都縮沙唔食刺食，改食熱野，其他同事叫左安格斯牛扒、饅魚 、吉列黑豚、鯖魚同埋牛肝菌飯，偷食左佢地幾啖，吉列黑豚都幾好，一D都唔油，而且肉質都幾嫩，但安格斯牛扒同鯖魚就麻麻，好鬼鞋。甜品大家都係一粒紅豆菓子，質感比較結實，不過佢好在唔太甜，好飽都仲可以食得落。
無諗過社企餐廳都可以有甘既水準，當然你唔可以用高級既日本餐廳比較，但相對上，侍應們都好有善同好有禮貌，社企餐廳有甘既食物同服務水準，要值得一讚!
张贴
