JK Kitchen (已結業)

同朋友2個人係銅鑼灣行完街想揾啲野食醫下肚仔，但又唔想食太普通嘅菜式，就上網揾左呢間越南菜試下！點知食物竟然令我地都意想不到，食到非常飽先走！我地2個首先叫左個越式春卷撈檬，佢春卷炸得非常脆口，但唔油膩，好食！撈檬醬汁另外提供，加埋檬粉一齊食，酸酸甜甜，最岩做開胃菜！講到越南野，當然離唔開牛油雞翼啦！我地都叫左一份雞翼，半煎炸加上脆蒜，非常惹味！一份5隻，同朋友每人有2隻左右，做小食最岩！主菜我地叫左個越南老闆娘炒米，見佢個名幾得意，就叫一個黎試下！味道適中，唔會太咸太油，幾好食！野飲我同朋友一個叫左杯龍眼冰，一個叫左杯珍珠奶茶，2杯味道都唔會太甜，唔錯！