丼撈duck (已結業)

丼撈duck📍觀塘駿業街56號中海日升中心1樓C號舖今日同朋友行觀塘工廈，行到咁上下，想買D嘢食下，點知意外地發現一間小店，主要係食日台便當🍱價錢重要唔貴，不過就以外賣為主，所以決定買返屋企一試～小店由一位後生男仔打理，態度好好，好nice👍😆menu有多款小食同便當選擇，仲有烏冬同台式刀削麵，選擇都幾多🤩一定有款岩你心水😆全部食物都係即叫即整，熱辣辣比你拎走🔥A4 南蠻炸雞便當🐔🍱 $60無骨炸雞有成5大件，好香又好脆，配埋他他醬撈飯簡直一流，好好食！米飯粒粒分明，側邊重有青瓜絲、白蘿蔔絲、紅蘿蔔絲同蟹柳絲做配菜，酸酸地好開胃😆章魚燒 $28有三款醬汁可以選擇（原味/明太子/ 蔥醬），今次就選擇左明太子醬， $28大大盒，有6粒，章魚燒上面放滿木魚碎同紫菜碎，而且超級多醬料，每粒章魚燒入面都會有1-2粒章魚粒粒，抵食小食之選！👍茶碗蒸 +$8用錫紙兜裝住，本身重以為冇咩料，但其實呢個茶碗蒸份量好足，而且好有蛋味🥚又唔會蒸到過老，值得一試😆P.S 小店仲有party food menu ，如果同朋友去開觀塘附近partyroom 玩，一定會試下叫黎試下👍