魚肉湯皇美食

营业中

休息中

小弟家住荃灣區，所以之前成日放工都會光顧呢間小食店初初開業的時候應該係老闆自己落場，食物同服務態度還不錯。不過之後請左個女人，態度開始好差。成日聽錯order，同佢講返佢仲會話返人轉頭，所以之後都少左食。而且D食物都愈來愈差。就算最普通既魚蛋，你會發現一串入面，總會係有幾粒新鮮彈牙，有幾粒就特別又霉又淋，我估係因為隔過夜。尋日咁岩女朋友放工黎到荃灣，話想燒賣。因為近地鐵站，所以帶左佢黎呢間。佢叫左兩串燒賣，之後同我講有幾粒好腥。我本身唔信，因為真係未聽過燒賣會腥。點知我一試完，即刻吐返哂出黎，真係又腥又臭，應該又係唔知放左幾耐。以後唔敢再光顧呢家野。