更多
2022-08-29
1380 浏览
Bibi and Baba 系我钟意嘅马来西亚/新加坡餐厅，自认为喺香港，佢嘅食物最正宗。之前𠮶次系同一班朋友一齐嚟，唔好意思打咁多卡，所以今晚特登同屋企人一齐嚟呢间餐厅，不单止可以order我的心水，亦都可以俾我任影唔嬲😝。订枱嘅时候本来想要7:30，不过餐厅啲人话只能够订6:30或八点，大家都系放咗工至嚟，所以宁愿食早啲，费事等咁耐。老实讲，佢哋嘅餐牌选择并唔算太多，但系样样都正宗，今次系我第二次嚟，但系已经食匀晒佢餐牌上所有嘅食物。好似老公话斋，只要食物煮得好，选择唔多并不是一个大问题。啲食客听得出绝大部份都系星马人，如果食物唔正宗就唔会咁受欢迎。因为我熟悉马来西亚餐所以今晚就完全由我揸fit。配菜要咗沙嗲，炒萝卜糕同埋五香。沙嗲共有六串，三串鸡同三串猪肉。其实马来西亚因为系回教国家，所以极少有猪肉沙嗲，通常只有华人摊挡至会卖。啲沙嗲烧得几好，但系始终唔系用炭烧，所以少咗啲炭香味。要赞嘅系佢啲沙嗲酱做得非常之正宗，同我喺马拉食嘅一模一样。沙嗲嘅配菜有黄瓜同洋葱，欠嘅就喺ketupat ，即系马来粽。如果喺星马食沙嗲，通常都会有佢，如果间餐厅肯做埋佢就好喇！炒萝卜糕好多星马餐厅都会
老实讲，佢哋嘅餐牌选择并唔算太多，但系样样都正宗，今次系我第二次嚟，但系已经食匀晒佢餐牌上所有嘅食物。好似老公话斋，只要食物煮得好，选择唔多并不是一个大问题。啲食客听得出绝大部份都系星马人，如果食物唔正宗就唔会咁受欢迎。
因为我熟悉马来西亚餐所以今晚就完全由我揸fit。
配菜要咗沙嗲，炒萝卜糕同埋五香。沙嗲共有六串，三串鸡同三串猪肉。其实马来西亚因为系回教国家，所以极少有猪肉沙嗲，通常只有华人摊挡至会卖。啲沙嗲烧得几好，但系始终唔系用炭烧，所以少咗啲炭香味。要赞嘅系佢啲沙嗲酱做得非常之正宗，同我喺马拉食嘅一模一样。沙嗲嘅配菜有黄瓜同洋葱，欠嘅就喺ketupat ，即系马来粽。如果喺星马食沙嗲，通常都会有佢，如果间餐厅肯做埋佢就好喇！
沙爹
$88
30 浏览
0 赞好
0 留言
炒萝卜糕好多星马餐厅都会卖，呢度系用黑甜酱炒的，落埋鸡蛋同菜脯，做法依照新加坡大排档风味。佢嘅萝卜糕系比较硬身，食落有咬口，系我钟意嘅texture。
炒萝卜糕
$78
33 浏览
0 赞好
0 留言
五香喺马来喺非常普遍的小食，呢样嘢喺香港就比较少见。佢基本上系用腐皮包住五香粉腌咗嘅猪肉馅攞去炸，系啲香口嘢，通常小朋友都好钟意食。佢呢度仲俾咗一碟黑豉油同埋一碟辣椒酱俾你沾，未试过呢碟𩠌嘅人不妨试试。
五香
$78
33 浏览
0 赞好
0 留言
特色菜嗌咗喇沙酿豆腐。除咗炸豆腐外，佢仲有酿大辣椒，茄子同埋秋葵等。啲鱼浆亦都打得非常之好，弹牙之余仲好爽口。喇沙汤底非常之鲜甜，落咗浓郁的椰浆，非常惹味。
喇沙酿豆腐
$102
26 浏览
0 赞好
0 留言
饭面等主食我哋要咗个肉骨茶（配饭），炒贵刁，同埋马拉椰浆饭，都系啲非常普遍嘅星马食品。呢度嘅肉骨茶系马来西亚式嘅，用药材熬制而唔系新加坡嘅胡椒汤底。药材汤底清甜唔油腻，肉骨嘅份量可多，大概有四、五条一字骨，加埋酸菜，喺个开胃𩠌。唔记得讲佢哋亦好正宗地俾咗一碟红辣椒甜豉油，系典型嘅沾料。
肉骨茶配饭
$102
22 浏览
0 赞好
0 留言
炒贵刁喺用嚟试㕑师功力的，呢碟炒贵刁唔系我食过最好嘅一碟，不过已经算系非常之唔错。落料方面除咗虾之外仲有劲多嘅腊肠，所以食落都几香口。
炒贵刁
$102
25 浏览
0 赞好
0 留言
椰浆饭我哋选择咗配炸鸡（其余选择系仁当鸡肉或牛肉）。喺马来，好多人会选择椰浆饭做早餐，当然就冇咁豪华，即系唔会有炸鸡，而配料就系参巴酱江鱼仔，黄瓜，鸡蛋同花生等。我要讲嘅系只蛋煎得几好，个蛋白边煎得卜卜脆，每只蛋都可以煎到咁一致其实唔容易。至于个椰浆饭我就觉得可以再浓郁啲，呢个饭嘅椰浆味我嫌佢淡咗少少。
椰浆饭配炸鸡
$98
28 浏览
0 赞好
0 留言
虽然已经食到非常之饱，但系都要嗌甜品，因为要满足亚女嘅第二个胃。煎蕊同西米糕各要一客，我个人比较钟意煎蕊，因为觉得西米糕嘅椰糖太甜，不过阿女就觉得落埋啲椰浆捞匀个味道啱啱好👍。
西米糕
$58
28 浏览
0 赞好
0 留言
煎蕊
$58
41 浏览
1 赞好
0 留言
今餐总共食咗800蚊，老实讲同样嘅食物，喺马来西亚用三份一嘅价钱就食到。唔紧要啦，「民以食为天」，最紧要系好食，唔计较得咁多㗎喇！
张贴
