星怡 (已結業)

今晚老友約在尖沙咀搵食，位於I square的星馬餐廳#星怡，因佢想食咖哩🍛、粉麵之類，於是便進入開餐啊！黏蛋油酥餅配咖喱雞球，咖喱醬汁濃郁帶點辣，雞球煮得入味，將油酥餅點埋汁一併，惹味的很好吃。特級北海道帶子喇沙湯麵，食材多又豐富，有青口，大蝦🍤2隻，蝦肉同帶子都好鮮甜彈牙，配料仲有煮得入晒味嘅芽菜、豆卜同雞蛋🥚。湯飲落有濃蝦味，麵份量多食完超飽肚。灼芥蘭，菜灼得剛好，咬落爽口纖維多，翠綠又健康。飲品點左夠冰凍，清新解渴嘅梳打水🧊。