潮食地

营业中

休息中

朋友带我行香工，第一次去，一逛已经一个下午，临走行过潮食地，佢系一间靓版茶记，见佢啲小炒都几吸引，就外卖返去试下。店面好大，地方都好干净企理，落单后唔洗等好耐就可以拎外卖。椒盐脆鲜鱿($98) - 所有小菜本身都跟左白饭、中汤同热饮，可以另外加钱转冻饮或其他特饮。中汤入味得黎唔会好味精，饮完都唔会口渴。鲜鱿外卖返到黎虽然有少少腍左，不过椒盐好够，非常惹味，炸浆亦唔会太厚，蘸埋个醋汁食，酸酸地唔会好油咁。泰式香茅咖哩鸡($88) - 咖哩鸡一样有跟白饭中汤同热饮，咖哩唔会太杰亦唔会水汪汪，虽然唔辣但都好惹味，𩠌饭一流，入面有好多件鸡，另外仲有青红椒同萝白，都几足料。奶茶红豆冰 & 荔枝梳打(跟餐加$10) - 奶茶红豆冰入面有超多红豆，粒粒红豆都煲到好腍，奶茶味亦够香，正！荔枝梳打本身杯入面只有荔枝糖浆，荔枝味香甜，梳打系罐装要自己加落去，所以建议每饮少少就要加梳打水入去，同埋要搅匀，否则最后只得返梳打味。总结，野食唔差，外卖干净靓仔，定价虽然讲唔上系平，不过亦交足功课。