✎ 招牌脆皮BB鴿
呢碟震撼味蕾！外脆內嫩，一啲都唔韌，皮油而且多瘦肉，入味透骨，另附上淮鹽調味。食完成口都好香鴿嘅鹹香味，好正！
✎ 獲氣豉椒炒蜆
呢碟係另一碟我最鍾意食！一上菜，香氣誘人的味道飄散到每個角落咁制。蜆冇咩沙，味道鮮甜，成碟好有豆豉味同蒜味，加埋
青椒、紅椒、洋蔥一齊炒，味道更香口，好適合做下酒菜´꒳`
✎ 蒜香風沙雞中翼
炸蒜味濃郁，有辣椒一齊炒，味道帶點微辣～肉質嫩口。表皮鋪滿炸蒜，口感鬆脆而更豐富，十分有火喉～
✎ 風雲特色香辣炒飯
成碟都辣辣地，中辣程度。飯粒煙靭有咬口，微油，入口唔會太乾，軟硬乾濕適中，淡淡飯香味。加咗蛋、細蝦同豆角粒入去炒。蛋香味、辣醬味、花椒味三合一，香氣撲鼻！
✎ 大大杯水蜜桃雜果茶
勁大杯，足似係大陸嗰啲飲品舖嘅大杯嘢飲咁嘅份量。入面有蘋果切片，橙切片，青檸切片同埋普通檸檬切片，入口冰涼清甜，成杯較重檸檬、青檸味，配淡淡果香～
✎ 菠蘿冰
入面有幾塊菠蘿片，底下應該有啲果漿，較暈之後一飲甜入心，濃郁果甜味出哂嚟～配淡淡菠蘿味同埋梳打味，味道岩岩好，唔會太淡。
1
1
