喜膳燒

营业中

休息中

近排朋友喜歡食串燒，和佢去左依間居酒屋食。店子細細但都好日式裝潢。主打串燒食落幾有炭燒風味。餐廳提供熱石板以作串燒保温之用，熱住食的確好味。燒馬來西亞大蜆 $98海蜆大隻，蜆肉肥美無沙，食落好鮮味。燒新鮮脆皮白鱔 $78鱔皮燒得香脆，魚肉厚身爽彈多汁又無骨，食一串好有滿足感。鹽燒日本雞心 $39雞心爽口彈牙，鮮味幾突出。海鹽燒王牌牛舌 $58牛舌厚切，口感軟腍爽彈，牛味香濃。孜然燒茄子 $39茄子大條，口感軟綿，配孜然粉惹味。燒虎椒 $19虎椒口感柔軟，唔辣。燒雞頸肉２串(鹽燒) $48雞頸肉爽口彈牙，鹽燒惹味。燒羊肩肉２串(孜然) $58肉質軟嫩多汁，有肉味又唔羶，有驚喜。照燒汁燒京葱 $22京葱爽口塗左薄薄燒汁，甜美清香好味。明太子釀雞翼2隻 $49雞皮燒得香口，雞翼釀滿明太子，啖啖肉口感，咸香美味。海鹽燒牛肩胛 $49牛肉軟嫩多汁，牛味濃，仲好有炭香味。煙肉韭菜卷 $32清新的韭菜俾煙肉捲住，鹹香爽口。