大頭蝦餐廳 (已結業)

聽聞話加拿大情人節有假放（如果講錯請指正），但今日中國情人節（元宵）香港人就要繼續開工！香港果然係難撈，同樣難撈嘅仲有呢碗豬頸肉撈檬，猴子撈撈吓都唔想撈！這個豬頸肉撈檬其實賣相同用料都唔差，下午茶時段兩點鐘就開始，HK$ 42連餐飲冇加一亦算係抵食之選。豬頸肉夠味又有咬勁，問題只在於那些乾到結焦的米粉，個餐亦冇提供其他醬汁，無論猴子點撈都撈唔勻，撈撈吓都舉手投降。雖然實際食落唔算太差，不過口感就「乾憎憎」。以醫肚的角度來說，這裡合格有餘，猴子用餐當日都坐滿人。但正因為客人太多又嘈雜，所以實在講唔上係一個舒適的用膳環境。