影片
更多
2015-12-06
460 浏览
想不到在海防道這個繁忙街道中閃亮著一點綠州當日哥哥剛好早收工，晚上我哋有啲事要響尖沙咀處理所以呢就約咗響尖沙咀度食飯我比較少出尖沙咀首先因為唔係好就腳囉奇異就係覺得尖沙咀太多韓國嘢食食到有啲悶。平時都係我諗食咩嘅，今次啊哥哥竟然提議推薦要來到呢一度！泰斗，佢話一個地方最適合就係約有好感嘅女仔架啦！哈哈！就係位於金鋪嘅隔離，你想去之前冇咩期望，心諗係咪又係商業中心。有幾適合同女仔去食呀！點不知去到原來真係有驚喜架！因為有開放式大露台坐，望住九龍公園嘅樹！感覺就係繁忙都市內嘅一點綠州！充滿熱帶風情，而且個露台係真係好大唔係帶一兩張枱咁簡單而係露台嗰度都可以擺到差不多十幾張枱！至於室內呢就設計簡約優雅，環境都好舒適！二零我一樣佢話俾我聽點解咁正嘅地方就係因為呢度嘅環境唔算靜，又唔係好嘈！約初次想了解認識的女仔嚟嘅時候，dead air都唔係咁覺啦！哈哈!露台嗰度擺咗一部生啤機，我估有好多人都會響晚飯過後過嚟同朋友飲番杯！好啦唔講咁多啦介紹吓佢啲嘢食先！冬蔭功湯 細原來細都唔算細架一個冬陰公湯大概五碗，好抵飲！味道層次豐富，算得上好正宗！湯渣到睇得見用咗好多唔同嘅泰國香料，味道唔會太搶，亦唔會
當日哥哥剛好早收工，晚上我哋有啲事要響尖沙咀處理所以呢就約咗響尖沙咀度食飯我比較少出尖沙咀首先因為唔係好就腳囉奇異就係覺得尖沙咀太多韓國嘢食食到有啲悶。平時都係我諗食咩嘅，今次啊哥哥竟然提議推薦要來到呢一度！泰斗，佢話一個地方最適合就係約有好感嘅女仔架啦！哈哈！
就係位於金鋪嘅隔離，你想去之前冇咩期望，心諗係咪又係商業中心。有幾適合同女仔去食呀！點不知去到原來真係有驚喜架！因為有開放式大露台坐，望住九龍公園嘅樹！感覺就係繁忙都市內嘅一點綠州！充滿熱帶風情，而且個露台係真係好大唔係帶一兩張枱咁簡單而係露台嗰度都可以擺到差不多十幾張枱！至於室內呢就設計簡約優雅，環境都好舒適！
二零我一樣佢話俾我聽點解咁正嘅地方就係因為呢度嘅環境唔算靜，又唔係好嘈！約初次想了解認識的女仔嚟嘅時候，dead air都唔係咁覺啦！哈哈!露台嗰度擺咗一部生啤機，我估有好多人都會響晚飯過後過嚟同朋友飲番杯！好啦唔講咁多啦介紹吓佢啲嘢食先！
冬蔭功湯 細原來細都唔算細架一個冬陰公湯大概五碗，好抵飲！味道層次豐富，算得上好正宗！湯渣到睇得見用咗好多唔同嘅泰國香料，味道唔會太搶，亦唔會太淡，酸痛辣嘅味道做得好平衡！冬陰公湯內的大蝦彈牙可口！飲完成個身都立即暖起來的
泰式燒豬頸肉沙律
份量都幾多，燒豬頸肉唔係得一兩片，係夾完仲有好多個種，燒豬豬頸肉外邊燒得香脆，肥瘦適中，裏面也保持多汁，配上酸酸地嘅沙律口感豐富，比叫一個燒豬頸肉更加健康！極速清碟！
再嚟咖哩大蝦配蒜蓉包
一上枱嘩好靚呀！有六隻開半殻的大蝦，淋上香味十足嘅咖喱汁，賣相已經滿分！大蝦質素同樣十分高，大隻有膏而且彈牙爽口，佢哋嘅咖喱汁唔算好辣，只係微辣帶少少甜，份外吸引我啊！配上香脆好味嘅蒜蓉法包！超滿足啊！
覺得佢嘅汁同埋他嘅份量配搭得宜，有好多時食咖喱會太多汁，變咗覺得好似啲餸唔係好夠咁！而呢一個有份量就剛好，用完蒜蓉包點完個醬就成盤清曬！絕不浪費啊！一到真係唔會太嘈又唔會太靜，播的唔係泰國差差音樂，而係外國潮流音樂，環境舒適而且坐得舒適，同埋飲品方面選擇多好多，紅酒白酒啤酒雞尾酒等等一應俱全！所唔怪之得我哥極力推薦啦！希望有機會有人約我泥食飯啦！哈哈哈！
张贴
