Kampoeng

营业中

休息中

同A姐喺IKEA买咗啲家庭用品，临返屋企前去埋Kampoeng买虾片先得！平时嚟Kampoeng主要系星期日，所以次次都系同成班印尼朋友一齐迫住买佢好出名嘅虾片，但原来嚟咗咁多次，今次平日嚟到，先惊现原来下层系餐厅嚟架！所以行到好攰嘅我哋，决定入去食埋晚餐再返屋企啦。今日我哋唔想烦食咩，所以就叫咗个二人餐，汤、小食、菜同饮品都有齐，够抵食。冬阴功汤一人一碗嘅冬阴功汤，钟意重口味嘅人就未必啱喇，但我哋就觉得呢个酸辣味好啱我哋，唔会太浓。小食拼盘小食拼盘有炸蚝、炸虾饼同春卷。点上泰式辣酱嘅虾饼，味道一流！但最正当然系佢个虾片啦！虾片好脆，食完呢餐都系要买番包返屋企。虾酱通菜通菜炒得够镬气，热辣辣！而虾酱当然系个灵魂，好香浓呀！海南鸡三款酱汁配上海南鸡，鸡肉够嫩滑，唔会话太肥腻，如果可以去埋骨就好喇。印尼炒饭炒饭用上鸡粒，仲有预先炒香咗嘅洋葱粒，口感一流。味道唔错，但就略嫌炒饭唔够镬气。