皇上皇燒鵝海鮮酒家 (已結業)

今日Lunch約左幾位舊同事食晏, 因大家都冇咩主意, 最後都係決定去皇上皇飲茶.其實我都黎過好多次, 但係始終都唔係咁鐘意呢到D食品, 總覺得價錢同食物質素不成正比.我地今日叫全部都係點心…有春卷, 咸水角, X.O. 醬炒腸粉, 炸兩, 义燒腸, 义燒飽, 燒賣, 合桃蛋糕仔, 鳳爪, 上素什菌腐皮卷, 上湯浸莧菜, 山竹牛肉, 蝦餃, 蛋撻仔, 椰汁紅豆糕等. 先講講D炸物, 春卷同咸水角味道都係非常之一般, 唯一可以讚係碟上冇成灘油. 而X.O.炒腸粉及义燒腸都可以咁啦, 但炸兩就唔係好得…. 佳因裹面條油條又唔夠爽脆, 仲好似炸左好耐咁. 總之就係麻麻地. 而鳳爪就standard, 但山竹牛肉同上素什茵腐皮卷就好似蒸到過左龍咁, 表皮好似乾晒水咁. 睇見都冇晒胃口. 至於個燒賣睇落都好大粒, 但因本人不好酒樓style燒賣再加上我地真係叫得太多食物, 所以我pass左燒賣,椰汁紅豆糕及合桃蛋糕仔. 呀! 有兩樣野唔講唔得…某同事話食完碟蛋撻, 好似食到榴槤味…. 怪怪的!!!, 而碟上湯浸莧菜全桌人都話食到有沙…. 就算之後個部長換過碟菜心都係麻麻地…少少苦..唉…都係