今晚叫左牛油果雞肉藜麥沙律，肉眼扒同埋燒三文魚意大利飯。首先上既係餐湯同埋沙律。餐湯方面細細碗酸酸地幾開胃，配塊麵包亦都增添口感。沙律就比想像中出色，雞肉有調味之餘燻完唔會太乾身，藜麥份量唔小，配埋沙律菜好好味！
跟住就到主角肉眼扒同意大利飯喇，肉眼扒要左5成熟，雖然表面煎得唔算太靚仔，但係口感同味道都唔差，食得出唔係平時茶記食開既「牛扒」。而意大利飯creamy得嚟唔會太膩，配上蟹子亦加重左口感。三文魚就非常juicy，同沙律塊雞扒一樣唔會太乾。
總結今餐既食物質素加上舒服既環境算係值得推介既一間餐廳。
