稍息

今日同姊妹係上環漫遊，行行下有 D 餓，見到呢間「稍息」，之前未食過，一於就入去試下喇~
我食嘅係日式野菌豚肉卷 set~
咁啱啱上枱就聞到一陣陣嘅燒豬肉香氣，D 豬肉好嫩好多汁，配埋啲野菌，口感好豐富~
茶碗蒸都係好滑好嫩，佢嘅湯汁都好鮮美，每一啖都好滿足，感覺好舒服~
另外仲有牛蒡醬油漬物同枝豆。牛蒡醬油漬物好爽口，啲牛蒡嘅甜味同醬油嘅鹹味好搭配，只係我一直都唔中意食漬物。
而枝豆就係一個簡單又好味嘅健康小食，啲豆粒咬落去好爽口，真係好好味！
最後就飲埋個蜆湯～嚟緊呢個天氣，飲碗熱辣辣嘅蜆湯真係好舒服。湯底鮮甜，啲蜆肉都好鮮嫩～

枝豆

純粹個人唔中意食漬物

日式野菌豚肉卷

蜆湯