白鬚旗艦店 (已搬遷) 新店位置

$68牛丸粉：丸係自家製，既香且軟但不失口感，湯夠清甜唔油膩，有少許應有嘅牛羶味，平時食嘢口味唔太鹹嘅我覺得剛剛好。我出外食嘢係習慣落調味料嘅，但呢碗食落完全無加料意慾，好正！！$9小食紫菜雞卷：對特價小食從來無期望，但呢3卷絕對無hea整，雞肉香滑彈牙，外層略香脆，如果下次有機會再路過食，佢就算呢3卷賣$28我都會order。$18檸檬蜜糖蜜糖味香而不膩，甜度適中 (沒有嗌少甜)，檸檬亦俾得唔小氣，可以依自己喜歡酸度嚟篤，喜酸嘅朋友不會失望。入座時店員有講明8點交枱，因有其他人預訂，我認為無問題就照食，時間到，店員禮貌地提醒交枱，講咗好多句唔好意思，話如果想再坐不如轉坐室內，感覺良好。