隨心 (已搬遷) 新店位置

是日又係去肥少度，晚餐當然係鰂魚涌海光街解決，因呢條街有好多不同種類既食店。今次選擇左星馬菜，店內裝修簡潔鮮明，令人感覺在乾淨舒適的環境下用餐，心情立即好爽！阿豬叫左娘惹咖哩牛腩配薄餅上枱已嗅到很香的咖哩香，娘惹咖哩牛腩沒有泰式果種很重的椰奶味，所以阿豬好鍾意食。咖哩只是少辣，牛腩較少肥位，但牛味十分香濃。薄餅剛烤好，十分香口又煙韌，沾上美味的咖哩十分惹味。馬拉盞炒芥蘭，馬拉盞香氣十足，芥蘭炒得十分靚，既爽口又甜。食落口更有陣陣馬拉盞及咸魚香滲出，送飯一流！阿豬再叫了一份馬來西亞肉骨茶，睇食評d人講幾正。阿豬好鍾意藥膳類食品，因很香之餘，又可補下身。肉骨茶睇落好足料，有多種藥材在面，附送炸兩可放在湯中浸淋吸湯。但飲落就喝不到藥材香味，而且只剩下咸味，不知是否落太多醬油？實在失望。但排骨就很軟淋夠咸。食完好飽，希望下次再黎時肉骨茶有改善。