柏景餐廳 (已結業)

星期六放假，最開心就係食、食、食，將平時的怨氣，隨著美味的食物而消失。朋友推介的tea buffet，還有預定買一送一的優惠，怎能錯過？前菜除左salad, 我最鐘意四喜烤麩，平時自助餐少見，好正，咸度剛好！刺身就無，但都有壽司，質素一般，唔太新鮮。Burger, 牛角包，卡巴都有，唔驚食唔飽，試左咖哩牛角包，味道有點怪，冷冰冰的，麻麻地，burger 就對味得多。熱盤還有中式點心的牛肉，馬拉盞，也有餃子，大阪燒，薯格，rids等，味道都唔錯，rids尤其出色！甜品有最愛的movenpick, 還可以配上waffles, 真係好正呀！ 葡撻和杏桃撻都ok, 但其他蛋糕的味道都好人工，像食緊一些死甜的化學糖, 令人失望！整體而言，質素和價錢成正比，可能因為promotion的關係，沒有想像的吸引。