亞南雞煲

营业中

休息中

忙完一個星期，星期五晚同好友去左太子亞南雞煲食晚飯。雞煲加打邊爐係我最愛配搭，揀左蟲草花野生竹笙花膠濃湯雞煲(半隻)。等煲時點個小食，必食皇牌脆炸牛坑腩。解渴飲品不少得，鮮製菠蘿冰(特大杯裝)配料點左海鮮拼盤，包括原裝美國桶蠔，深海龍躉片，大花蜆，桂花蚌和鮑魚。桶蠔大隻，大花蜆鲜甜，鲍魚彈牙。不少得手切極品肥牛(細份)。肥牛油脂分怖均勻，全熟肉質也嫩滑。脆炸牛坑腩好味，肉質嫩滑，外層香脆，雙重口感。個湯夠鮮甜，一連飲左幾碗。野生竹笙好大隻，吸收晒湯的精華。食埋花膠和雞，飽左幾成。食物質素好，食到好飽，下次先試其他配料和小食。