丼瀛 (已結業)

Fatvava 揾食😋😋特盛海膽杯 $298每一層既鮮味都唔同。第一層有海膽，兩種海膽既味有明顯分別，唔會腥，新鮮清甜！下層有吞拿魚、三文魚、帶子、蟹籽碎，口感彈牙新鮮。最底層既蟹肉蟹膏有大驚喜，香濃鮮甜既蟹味，再配上一層海膽做一個好有海鮮鮮味既結尾！軟殼蟹野菜米紙卷 $78份量足料，每件卷都有大大軟殼蟹，岩岩炸起既蟹再加上菜同青瓜，再有蟹籽，成件事係勁脆，有口感，又幾fresh既感覺，唔錯！忌廉芝士鰻魚卷 $78足料既鰻魚，每一件鰻魚都有厚度，有肥美既感覺，唔會帶刺！卷入面有大大舊芝士，少少既青瓜。芝士味勁濃，再加上鰻魚既肥美，成件事係有少少罪惡感，好飽肚，配搭新鮮，唔錯！忌廉蟹肉薯餅 $36好夠熱仲辣口既，岩岩炸起，外脆內軟，外面炸衣唔會好厚，岩岩好，再加上入面既蟹肉，軟綿綿有蟹味，點上沙律醬，正呀！大蔥黑豚肉 $283大塊半肥瘦既豚肉，夠火喉，灑上黑椒，一咬油脂爆出，香口，再加上一舊蔥解膩。流心芝士漢堡扒 $48又係大大塊，煎香左表面，入面有相當足料既芝士，芝士香濃，整體配搭都幾特別，幾有飽足感。厚燒玉子 $25玉子堅厚堅飽滿，外面輕輕燒過，勁飽足，蛋味香濃。