人生有限杯.串燒店

最近人生有限杯新推左多款特式串燒小食，當然都唔少得非常抵食嘅$10串燒，仲有賣一送一嘅日本生啤🍻。
墨魚滑紫菜大蝦香脆又彈牙，港式嘅椒鹽九肚魚炸得鬆脆非常適合餸酒，汁燒雞隔膜同鹿兒島雞頸肉比較少有嘅選擇都可以試到，山椒鰻魚汁白鱔肉質爽口，加上少少花椒味更加惹味，明太子忌廉烏東都可以一試，忌廉拌生蛋黃香味濃郁。
甜品必點港式蜜糖多士夾雪糕，蜜糖多士脆卜卜沾滿香甜嘅蜜糖，加埋雲呢拿雪糕冰火口感相當唔錯。