豐石板燒專門店 (已結業)

今日到旺角銀行中心間銀行搞咗個戶口，嘥咗我唔少心血，決定坐低食餐好嘢但又唔好太貴，於是朋友推介來到附近呢間『豐石板燒專門店』食石板燒，牛肉係補血嘅，哈哈。嗌咗两個套餐，大家share食，佢哋係美國prime肩胛肉眼及封門柳，價錢僅僅係55及78蚊，超抵，送一款飲品，而沙律，飯及羅宋湯就任食任飲。我哋嗌嘅係150g，如界想食多D肉可以嗌200g，加多20蚊就ok。我哋慳咗嘅20蚊就用來嗌咗小食『榴槤炸彈』同『芝蔴雞翼』，炸彈有榴槤流心，熱辣辣超好味，而雞翼肉質唔『鞋』，外皮的芝蔴更添香味及口感。『封門柳』入口軟腍，牛味濃郁，我鍾意吖，而朋友就鍾意嫩滑，油分稍高的『肩胛肉眼』，大家各取所需，幾好。