家嫂一家大小

营业中

休息中

呢間火鍋店性價比真係高，如果你係大胃王直頭係超級抵食。佢雖然平均每位要四百幾蚊落樓，不過已冇限時兼海鮮任添其實真係好抵，我哋當日就由6:30食到10點，可以一邊食一邊傾吓偈唔使趕頭趕命其實都唔錯。先講一講佢啲海鮮，其實佢個餐仲包埋日式刺身同埋雞煲，食完呢兩樣嘢之後佢哋就會上海鮮拼盤，當日有嘅海鮮都差唔多擺晒落去，等你可以試咗一轉之後睇吓邊啲正可以再encore。我哋就叫咗幾轉鮑魚、蟹、貴妃蚌同埋蠔，佢呢度上菜嘅速度都唔錯，唔會因為你叫貴嘢就叫極都唔上俾你。佢啲肉嘅質素都唔錯，同海鮮一樣，一開頭會有碟拼盤，然後你就可以按照你嘅喜好再加點。