半島漁港/阿翁火鍋館

营业中

休息中

今日同朋友去左灣仔半島漁港食晚飯，去到叫左粉葛鯪魚煲唐排，極品BB豬，家鄉小炒皇，椒鹽三味（椒鹽骨/鮮魷/豆腐）,優惠三寶（原個菠蘿咕嚕肉，白汁明蝦球，清蒸富貴斑1條）。粉葛鯪魚煲唐排-老火湯夠濃味之外仲要唔會好肥，非常足料。極品BB豬-見到大量燒鵝同BB豬即燒真係好難選擇$1要邊樣，最後選擇左BB豬。皮脆肉嫩仲要份量絕對唔係$1，大大碟。家鄉小炒皇-韭菜花夠鮮，配合大量配料，青紅椒腰果魚乾仔蝦仁令到口感味道更多層次。椒鹽三味（椒鹽骨/鮮魷/豆腐）-唔會好油，冇太多多餘油份。炸得岩岩好。原個菠蘿咕嚕肉-酸酸甜甜配起咕嚕肉菠蘿三色椒，配起白飯食一流。白汁明蝦球-蝦肉夠爽口，份量都算幾多。清蒸富貴斑1條-魚肉鮮甜嫩口，蒸既時候岩岩好。仲有紅豆沙送，紅豆夠淋。