神輿日本料理 (已結業)

自從上次跟男朋友公司慶功黎過食飯覺得幾好味今日收工又再黎食，平日星期一黎講客人都算多依度環境裝修好似日本神社，同佢地招牌標誌好相似雖然人多，但都唔會有擠擁感覺坐底後店員奉上燕麥茶刺身方面我地點左三文魚、三文魚腩、象拔蚌、八爪魚、希靈魚、松葉蟹棒、帶子、甜蝦、中吞拿魚腩、北寄貝其中三文魚、三文魚腩十分肥美，食落齒頰留香希靈魚一咬落去，黃色一粒粒爆開，口感好得意甜蝦隻隻都好大隻，好新鮮，帶子都好大粒壽司就點左三文魚、吞拿魚腩、三文魚腩、左口魚邊、火灼和牛、火灼芝士三文魚壽司平均都份量岩岩好，唔會太多，所以可以食到更多款式，火灼芝士三文魚芝士令三文魚更惹味另外佢既一品料理都好出色汁燒牛肋骨 - 整得好入味，肉質好稔三文骨腩 - 切好晒一舊舊，食果時都算好方便，而且又唔多骨秋刀魚 - 放題黎講算好大條，燒得好香，加埋檸檬汁食，一啲腥味都無爐端燒就點左日本番薯 - 其實我係第一次食依啲日本番薯，估唔到原來係咁甜，一口一粒，好好味鹽燒雞翼 - 將雞翼攤開再燒，雞翼外層燒到香脆，內裡就嫩滑，上面灑了少少鹽燒，好惹味炸物就有榴槤球 - 依個真係非常好味，我食完一round都再點過黎食，入面既榴槤一咬落