港久新街 (已結業)

筆者啱啱喺附近上完堂，所以就去咗金馬倫道5號太興廣場2樓嘅港久新街食午餐。店內嘅燈光好光猛，而且環境整潔，播放住一首首耳熟能詳嘅廣東歌。店舖採用手機掃描二維碼落單。筆者同朋友仔每人點咗一份午市丼飯，$62一份，包指定飲品。落單之後大約10分鐘，食物就陸續嚟到了。📌蒲燒鰻魚丼套餐 - $62💬面頭擺放住原條蒲燒鰻魚，好吸引，鰻魚嘅肉質帶有微微嘅韌性。丼飯嘅其他配料仲包括有微甜嘅雞蛋絲、日本飯素。米飯嘅質感都軟硬適中，唔會太過腍。📌洋蔥肥牛丼套餐 - $62💬朋友仔就揀咗洋蔥肥牛丼飯，肥牛嘅份量都充足，好夠送飯。呢款丼飯都加咗少少日本飯素，同埋日式洋蔥汁。每一客日式丼飯都會包埋一碗熱辣辣嘅麵豉湯，令到成餐飯嘅感覺唔會太過乾爭爭。📌配五花茶 （+$5）📌配凍華田 （+$5）💬日式丼飯套餐包一杯熱飲，但係筆者同朋友就加錢轉配咗其他飲品。五花茶嘅感覺幾清熱，味道唔會太過甜。而朋友嘅凍華田味道都幾濃郁，質感滑溜。