回到味來 (已結業)

近來雞煲+火鍋放題成行成市，要找一家有水準的不是太難。今日放工收得遲，和同事來到旺角信和隔離的樓上火鍋店，見到門口$250有半任食火鍋，好吸引！相比起一般大多要$300以上的雞煲火鍋夜題，$250有找的確有競爭力，但我都係比較注重食物質素。一坐得雞煲有辣有唔辣，遷就同事叫了半隻微辣，想留肚打邊爐。雞煲有水準，肉質幾嫩，味道唔錯；之後我哋揀咗蕃茄濃湯，聞落好香，好喇！戲肉嚟喇！先係有一人一隻熟食粉絲扇貝，好鮮！之後有一大碗海鮮盤，有鮑魚、聖子、大蝦、蜆，食得出全部都好活躍新鮮，開場有好印象！尤其值得推介有隨餐送嘅手切牛肉，仲有鮮炸響鈴、芝士丸、炸午餐肉同冰豆腐，加埋任飲飲品好多選擇，埋單$250真係好難搵！