小金井日本料理 (已結業)

今日经长沙湾深水埗个头，谂起有间长久屹立不倒的小金井，咁就捉左男朋友一齐食。小金井既午市套餐系五十几去七十几都有，的叫左寿司定食，男友叫左猪排拉面，前菜系腌芽菜，弹牙爽口，腌得好入味，跟餐配日式手打乌冬，乌冬滑身，质素好好，配上十分淡口既面汤，加上紫菜丝，突出左乌冬既美味。主食寿司有蟹柳小卷、三文鱼、熟虾、带子、玉子、北寄贝、油甘鱼。油甘鱼油香重、带子味浓唔错、玉子甜味突出，其他ok，紫菜微脆身，不过饭包得较实同硬，可以落少点份量既醋。男友叫既猪排拉面劲大碗，佢话都ok。食物唔算突出，不过呢间小金井性价比高，相对低廉既价钱，食到份量多的一餐。