hoo韓國包車

今日同朋友去咗尖沙咀一間韓式餐廳食lunch，地點超方便，地鐵站行3分鐘就到！餐廳環境舒服，播住熱門K-pop，氣氛好輕鬆，啱晒同朋友慢慢傾計。

我哋叫咗海鮮煎餅，煎到金黃香脆，入面有大量魷魚同蠔，蘸埋特製醬汁食更加惹味！卜卜脆炒豬脆骨拼拳頭飯好有驚喜，豬脆骨炒得香口又彈牙，配埋自家捏嘅拳頭飯，紫菜同麻油味好香，口感豐富。泡菜豬肉鍋湯底酸辣開胃，豬肉係五花肉，又大舊又Q彈嫩滑，仲有大量泡菜，好足料！炸紫菜粉絲卷外脆內軟，粉絲餡調味啱啱好，唔會太油膩。

飲品方面，荔枝梳打清甜解辣，梨汁潤喉又清爽，完美平衡返濃味嘅韓式料理。

整體來講，食物質素高，份量足夠，環境舒服，價錢合理，絕對係尖沙咀區嘅高性價比韓餐之選！